سؤال و جواب

منورة يا حبيبتى وانا اول واحدة عاوزة اعرف ازرع ياسمين دايما بشتريه جاهز ولفترة بسيطة الاقيه دبل ومات

ربنا يكرمك يارب انا بقى عاوزة اعرف النعناع بنعمل ايه بالضبط عشان نزرعه

sara كتب:

منورة يا حبيبتى وانا اول واحدة عاوزة اعرف ازرع ياسمين دايما بشتريه جاهز ولفترة بسيطة الاقيه دبل ومات

دة نورك يا قلبى 
بصى العيب فى المشتل نفسه بيكون ناقل الزرع غلط
فى خطوات لازم نتبعها لما نروح المشاتل علشان نقدر نختار شتلة تعيش معانا وتكبر
•هتبصى فى التربة لو اتلاقيتى قواقع او حاجات غريبة سيبى المشتل دة
•هتمسكى الساق وتحركيها بالراحة علشان تتأكدى ثابتة ولا لا
• هتمسكى الزرعة وتفحصيها كويس جدا ميكونش فيها اصفرار او اخرام او نقط سودة او بيضة او علامات تشبه الصدأ او ميكونش عليها حشرات او حشات تشبه القطن

بعد مناخدها البيت مننقلهاش لاصيص تانى قبل يومين علشان تاخد على الوضع الجديد
ابعديها عن الشمس المباشرة
متسقيهاش زيادة عن اللزوم
اسقيها بماية سلق البيض ..و حطى على سطح التربة قشر بيض مطحون مع سكر

مديرة الموقع ام يحيى كتب:

ربنا يكرمك يارب انا بقى عاوزة اعرف النعناع بنعمل ايه بالضبط عشان نزرعه

لو اتلاقتيه متوفر فى السوق  هتجيبى حزمة نعناع و تجيبى مقص حامى
هتختارى العود الطخين شوية هتشيلى الاوراق كلها ماعدا الاوراق الابطية اللى بتبقى صغيرة اللى بتطلع تحت الورقة الكبيرة و تسيبى برضه الورقتين اللى فوق خالص و هتقصى اخر جزء من الساق وتحطيه فى ماية مدوبة فيها معلقة سكر صغيرة و تحطيهم فى مكان فيه ضوء بس مش شمس مباشرة ممكن المطبخ لو الضوء فيه قوى بعد فترة هيبتدى تطلع جذور لما تكبر تروحى ناقلة النعناع للتربة

مفيش فى السوق يبقى قدامك طريقتين هتجيبى شتلة جاهزة من المشتل او بذور النعناع من العطار او المشتل او كلية الزراعة
وطريقة زرع البذور هنسقى التربة بتاعتنا ونرش عليها البذور منزودش كتير وبعدين نحط طبقة تربة خفيفة خالص فوقها ونسقيها ببخاخة الماية علشان البذور متتحركش

تسلمى يارب طيب هو بيطلع بعد كم يوم كدة

مديرة الموقع ام يحيى كتب:

تسلمى يارب طيب هو بيطلع بعد كم يوم كدة

البذور بتتأخر شوية ممكن تطلع بعد اسبوعين
ولو قصدك الجذور من العيدان اللى حطناها فى ماية تقريبا برضه نفس المدة ممكن تزيد او تنقص على حسب الجو المزروعة فيه

شكرآ ياقمر...موضوع رائع بجد
ادعيلي البوتس يعيش هههههههههههههههههههه

smsm.mun كتب:

شكرآ ياقمر...موضوع رائع بجد
ادعيلي البوتس يعيش هههههههههههههههههههه

ههههههههههههههههههههههههه ان شاء الله هيعيش يا سمسم يا حبيبتى 
علشان بس متبقيش تعملى ناصحه وتيجى من المشتل جرى تنقليهم

ام ملك كتب:

smsm.mun كتب:

شكرآ ياقمر...موضوع رائع بجد
ادعيلي البوتس يعيش هههههههههههههههههههه

ههههههههههههههههههههههههه ان شاء الله هيعيش يا سمسم يا حبيبتى 
علشان بس متبقيش تعملى ناصحه وتيجى من المشتل جرى تنقليهم

دا انتو كلكو بقى تخصص زراعة هههههههههههههههههههههه