نشطاء يتداولون فيديو للسيسى مع ضباطه يقول خلاله: لن أسمح بالتجاوز من أى حد ضد أى حد.. الجيش عاوزنا رجاله وما نختلفش مع بعض.. جزاء الأدب الجنة ونسعى أن نكون "وحدة واحدة".. وأنا عاوز أقدم لكم "عنيا

تداول نشطاء على موقع التواصل الاجتماعى "فيس بوك" فيديو للفريق أول عبد الفتاح السيسى القائد العام للقوات المسلحة خلال لقائه بعدد من القادة والضباط فى أحد الاجتماعات، يتحدث خلاله بود ومصارحة.

وقال "السيسى" خلال الفيديو إن الضباط لابد أن يستغلوا قدرة ومكانة القوات المسلحة، وعدم إهدار الموارد المتاحة، وأنا أفكر معكم دائما، ولكن لازم نخلى بالنا من أفكارنا، والإشاعات اللى الناس بتتكلم فيها."
وتناول السيسى خلال الفيديو موضوع متعلق بتوفير القوات المسلحة سيارات للضباط والصف، قائلا: "لدينا 160 ألف ضابط، ويجب أن نكون معقولين فى خياراتنا واختياراتنا وكل واحد مننا يستخدم ما يتلاءم مع احتياجاته، ولا يكون سقف أمانينا عال، وكما أن هناك مشروعا لتوفير السيارات للضباط، هناك أيضا مشروع آخر لضباط الصف، فالكل سواء، والدرجات محفوظة، ولكن نحن نسعى لأن نكون وحدة واحدة، وأنا عاوز أقدم لكم عنيا، ولكن ليس كل ما يتمناه المرء يناله، وأنا أتكلم بهذه اللغة حتى يفكر الجميع فيما أفكر فيه".
وأضاف السيسى: "فى استهداف للجيش وأنا أقول دائما للقادة ولكم كلكم، يجب أن نتعامل مع بعض بأسلوب محترم وكريم، أنت قائد الكتيبة اللى هتتعامل مع الضباط والصف والجنود، أنت قائد اللواء أو قائد الفرقة اللى هتتعامل مع قطاع أكبر، وأنا لن أكون معكم طوال الوقت، فى ناس من القادة الموجودين أكبر منى سنا، أتعامل معهم بكل احترام وتقدير، ولا أستطيع أن أتعامل مع أى حد أكبر أو أصغر منى إلا بكل احترام وتقدير.
واستطرد السيسى فى حديثه للضباط قائلا: "خلى بالك الأدب جزاءه الجنة، ورسولنا الكريم قال "ما وجدت فى الميزان أثقل من حسن الخلق"، أنا عاوز أقول لكم اللى بيمتلك نفسه عند الغضب هو الفائز، واللى بينصر العباد ربنا".
وتابع: "لن أسمح بالتجاوز من أى حد ضد أى حد، خلى بالك، أنت كمان خليك راجل، الجيش عاوزنا رجاله والبلد عاوزانا رجاله وما نختلفش مع بعض،
ولازم تساعدوا بعض، الضابط والصف والجندى، كان لكم سنة ونصف فى الشارع، خدتوا حاجات كتير من الشارع هتتصفى فيما بعد، ومدير الشرطة وأفرع الشرطة الموجودة فى الجيوش والمناطق، مهمتهم تسهيل عملكم، وعربية الشرطة اللى واقفة، لازم تخدم ضباطنا وصفنا وعساكرنا بجد، ونخليهم فى الشوارع عشرة على عشرة، وخلى بالكم اللى مش بيعمل كدا بيهد الجيش، وده أمر مش هقبله ولا هسمح بيه، ما تعملش كمين لزميلك اللى بيخدمك.

شوفتو الكلام العاقل الجميل متدين من غير مغالاه ولا تعالى ربنا يكرمه يارب

مديرة الموقع ام يحيى كتب:: شوفتو الكلام العاقل الجميل متدين من غير مغالاه ولا تعالى ربنا يكرمه يارب

اللهم امين بجد انسان محترم جدا جدا ربنا يحميه من شر الخونة

» نشطاء يتداولون صورة للبرادعى بصحبة شخص يرفع "شعار رابعة"
» رسالة من واحدة سعودية للسيسى
» كل واحد يقول انااااااااااااااااا
» تخيلى الجنة
» الجزيرة تبث شريطا تزعم انتسابه للسيسى