بنشتغل ومش مقصرين فى نضافة بيتنا

هو مفيش حد هيشجعنى ولا ايه طيب حتى لو مش بتشتغل تيجى تشجعنى

ان شاء الله معاكى انتى بتشتغلى زى حالاتى يا ام ملك انا بحاول انظم التلاجة قبلها باسبوع واشوف ها اعمل ايه بالظبط الاسبوع الاولانى مش بنبقى لس واخدين على الانتظام بعد هوجة الاجازة وبكوى الهدوم كلها واعلقها كلها عشان استريح باقى الايام والمسح والترويق دول هم مشكلتى الرئيسية بجد والله دايما بيفلتو منى ودايما بحس انى اللى عملته عاوز يتعمل تانى مليون مره خصوصا ابنى ماشاء الله عليه ادى له بس فيلا فى 5 دقايق تبقى شارع ههههههههههههههه      

دي نصايح منقوله للامانه

بنتي حبيبه قلبي كتب:

دي نصايح منقوله للامانه

قشطة يا معلم والله   

بنتي حبيبه قلبي كتب:

لو جوزك جابلك فراخ او لحمة متحطهاش فى الفريزر علطول لا نظفيها وتبليها وشيليها جاهزة
الخضار بردوا جهزيه واحفظيه فى أكياس فى الفريزر
أما تعصرى مثلا طماطم او مبشور بصل او فرم توم او سلق بقول زودى الكمية وشيلى الباقى . 
حتى المحشى اسلقى الكرنبة واحفظيها والخلطة برده جهزيها من غير الرز طبعا وشيليها فى الفريزر ولو كان عندك خضرة وخايفة عليها تدبل افرميها واحفظيها
حتى العجاين ممكن تعملى عجينة بيتزا كتير أستخدمى جزء والباقى حطيه فى الفريزر عشان تستخدميه فى وقت تانى

عاوزة أقولكم مفيش حاجة طعمها بيغير وبجد بوفر وقت كبير جدا فى الطبخ

لو عندك شوربة زايده احفظيها فى اكياس وضعيها فى الفريزر 

اول متصحى من نومك لو فى لحمة ولافراخ ركبى عليها وحضرى فطارك وافطرى 

الحلل بقى والأطباق والملعقة اللى بتتوسخ تتغسل علطول 

بالنسبة بقى لشغل البيت 
قومى سريعا يوميا بتلميع الموبيليا على السريع .........وامسحى السيراميك المكشوف علطول أول بأول بممسحه....السجاد متيسبهوش فترة من غير ما تكونى منظفاه بفرشة وبالمكنسة صدقونى الشغل ده مش بياخد اكتر من ساعة والبيت بيكون فلة 
لو عندك بيبى قفلى ابواب البيت وحطيه فى مكان وحطيله لعبه يلعب بيها 
والسجادة اللى بيلعب عليها حطى عليها ملاية قديمة او اى حاجة علشان متتبهدلش 

لو عندك بنوتات صغيرين علميهم يرتبوا سرايرهم ويلموا لعبهم 

فى بقى حاجات عاوزة أقولكو عليها 
يا ريت نحاول نعمل اكتر من حاجة فى نفس الوقت يعنى مثلا لو واقفين جنب الأكل لحد ما يغلى نكون غسلنا كام كوباية على طبق كدة يعنى
نحط الاكل وعلى مايستوى نكون رتبنا البيت وزبطناه

قاعدين نلعب مع النونو بتاعنا يبقى نطبق الغسيل
نحاول أول بأول نشيل الكراكيب اللى فى البيت اللى ملهاش لزمة يعنى لو فاضيين شوية أفرزى الجزم فى يوم.... يوم تانى أفرزى الأدوية يعنى علشان ما يكونش ف كراكيب كتير فى الشقة ومنتعبش فى ترتيبها

الدولاب بقى لازم اول باول تخرجى كل الملابس اللى انتى مبتلبسهاش ومتقوليش ده ينفع لبنتى احنا مش عارفين بكرة فى ايه وكمان فى ناس كتير محتاجة 
الطريقة دى هتخفف الكركبة فى الدولاب 
التسريحة بقى متروحيش ترصى عليها كل مكياجاتك وبرفاناتك لا حطى بس اللى بتستخدميه يوميا زى المشط والمرطب والبرفان الخاص بيكى و الروج وقلم الكحل ...علشان يبقى سهل عليكى تلميعها وترتبيها 
الغسيل لو عندك غسالة اتوماتيك اغسلى علطول ومتجمعيش غسيل عليكى 
الشرابات والملابس الداخليه اغسليها اول باول 

بالنسبة بقى للبوتجاز غطى الطاسة وأنتى بتقلى علشان الزيت ميبهدلش الدنيا...وأول بأول لو وقعت عليه بقعة نظفيها وغطى كمان الجزء المكشوف من البوتجاز بفوطة مبلله ومعصورة وأنتى بتقلى علشان البوتجاز ما يتبهدلش 

عاوزة أقولكو أن أى طبق بتحطه فى التلاجة يتمسح من تحت علشان لو فيه أى أكل ميسوخش التلاجة
الحمام بقى بعد ما أى حد بيستحمى علطول نشفيه ..

أما تيجى تنفضى ممكن تنفضى الغرفة على أكتر من يوم يوم تلمعى الموبيليا وأترتبى الأدراج والدولاب ..... يوم تانى أغسلى الشبابيك ..........يوم تالت نفضى البراقع ....وأخر يوم شيلى السجادة نفضهيا وأمسحى الاأرض 
وحاولى تستفيدى وانتى شغالة فى البيت مثلا شغلى التليفزيون على البرامج الدعوية الهادفة او شغلى خطبة تستفيدى بيها 
ياريت لو حد عنده افكار تانية يشاركنا برايه
Like ·  · =100000577436124&p[1]=688110977884810&profile_id=100003016633774&share_source_type=unknown]Share · 43 minutes ago · 

• 
  
  
  

يا عم ايه الحلاوة دى انا على فكره بعمل من النصايح دى حاجات كتيييييييييييير والحمد لله بتوفر لى وقت كبير الحمد لله

تعالو يلا قولولى يتعملوا ايه فى الدراسه مع الشغل وبتنظموا وقتكم ازاى

صباح الخير يا حلوين 
انا بقى بما ان شغلى للاسف مسائى قمت من شويه وبغسل هدوم فى الغساله الهاف ولميت فرش سراير الاطفال اغسلهم بالمره وهخلص واشوف هلحق اعمل ايه ولما ارجع من الشغل ان شاء الله الف لفة مسح وتلميع للشقه كلها واعمل الغدا اصل جوزى بيتاخر اوى اليومين دول فى الشغل

انا بردو شغلى مسائى وديت يحيى الحضانة وحطيت الغسل فى الغسالة ونظمت الصالة كدة بعد مامشى ولس ها اقوم والف لفة فى الشقة

انا غسلت الهدوم الصبح ومش لحقت اعمل الشقه بس بعملها حالا همسح اوضة الاطفال واكون خلصتها نفضت الشباك والمروحه وغيرت فرش السرار همسح والمع الخشب

خلصت الاطفال والانتريه والسفره فاضل النوم والصالون يوم تانى بقى لانى خلاص مش قادره وكمان لسه همسح بلكونة النوم واروق المطبخ واجهز الغدا

لو عندك مواعين من الحوض للسقف ومطبخك يضرب يقلب تعالي اقولك ازاى تنضفيه نضفيه 
فى ستات كده زى حالاتى زمان علشان يقلوا بيضة تلاقى الحلل وصوانى الفرن وطقم المعالق كله نزل 
وتفضل طول النهار تكركب وتنضف وتكركب وتنضف وتفضل طول عمرها على الحال ده 
لكن لو حصل معاكى كده تعالى اقولك تنضفيه ازاى وتعودى نفسك ان ميبقاش تانى بالمنظر ده 

بعد الغدا او العزايم طبعا هتلاقى البوتجاز كله حلل وبواقى اكل وطرطشة زيت وفوران الشوربة والرخامات تلاقيها كلها قشر بصل على توم على اكياس الاكل على علب البهارات ومعالق وشوك وقزازة الزيت وفوط المطبخ ووووووووووووو الحوض طبعا وما ادراكى ما الحوض ممكن يبقى مسدد وكله بواقى اكل وصحون وكوبايات ومعالق ووووووووووووو
الارضيه رز منتور على زيت مطرطش على قشر بصل وتوم طاير ووووووووووووووووووووو

طب هتعملى ايه مع كل الحاجات دى لو حصلتلك 

اولا ادخلى على الحوض فضى كل اللى فيه ونضفيه وشيلى اى حاجة مسداداه على الرخامة اللى جنب الحوض نضفى الطباق كلها ورصيها على بعض والمعالق والشوك كلهم رصيهم مثلا فى دورق ميا والحلل اللى فيها عايز يترمى ارميى واللى عايز يتحط فى علب التلاجة حطيه واللى فيه حاجة ملزقة وعايز يبوش حطى فيه ميا 

نضفى كل اللى على البوتجاز متخليش عليه حاجة 

بالنسبة الرخامات لمى كل علب البهارات وامسحيها ورصيها مكانها وهاتى كيس ولمى فيه كل قشر البصل والتوم وبواقى الخضار والاكياس اللى ملهاش لازمة نضفى الرخامة خالص من كل اللى عليها وفوط المطبخ اغسليها بسائل التنظيف وانشريها تنشف 
والارضيه هاتى مقشة واكنسيها كده هتلاقى الفوضى خلصت البوتجاز فاضى والرخامات نضفت والارض كمان 
ادخلى على المواعين اولا بشوية كلور حطيه فى بخاخ ورشى بيه الحوض ينضف واغسلى الكوبايات الاول والطباق والمعالق وبعدين الحلل حطيها تتجفف الاول وبعدين دخليها الدواليب وهاتى رولة مناديل وخليها للمطبخ وامسحى بيها البوتجاز والعيون علشان تحافظى على فوطة مطبخك نضيفة ومتبقاش مزيته بعدين بليفة وشوية سائل منظف ادعكى البوتجاز وبعدين امسحيه بالفوطة وياريت تبقى ناشفه علشان تمتص الرغوة كويس 
ادخلى على الرخامات وبرضه لو عليها حاجة مزيته امسحيها بالمناديل وبعدين بفوطة عهليها خل وامسحى بيها 

الارض هاتى سائل تنظيف الاطباق ومكنسة خشنة وادعكى الارض الاول وبعدين بميا وخل علشان السيراميك يلمع 

فوطالمطبخ كل فترة اغسليها مع منظف وخل وانشريها وياريت تتطبقيها وتخصصى مكان ليها فى رف تبقى دايما نضيفة 

وسلامتك وتعيشى ومتعملهاش تانى اول باول حطى كل حاجة فى مكانها ومش هتحتاجى للمجهود ده كله

كلام عجبنى نقلته للامانه

ممتاااااااااااااز يا ام ملك رووووووعة بجد والله تسلمى لنا انا بقى جبت مصفى بلاستيك كانت عند امى قديمة ههههه ايام ماكانشى عندهم مصفى استانلس للمكرونة وبحطها فى الحوض وانا واقفة بقشر البصل واخرط اى حاجة فيها عادى ماهى وسط الحوض واغسل الارز واعمل كل حاجتى والاخر اشيلها تتصفى وفى الكيس بلاقى الحتة نظيفة والحوض ما يتكتمشى

ايه الشطاره دي يامها علمناهم الشحاته

مديرة الموقع ام يحيى كتب:

ممتاااااااااااااز يا ام ملك رووووووعة بجد والله تسلمى لنا انا بقى جبت مصفى بلاستيك كانت عند امى قديمة ههههه ايام ماكانشى عندهم مصفى استانلس للمكرونة وبحطها فى الحوض وانا واقفة بقشر البصل واخرط اى حاجة فيها عادى ماهى وسط الحوض واغسل الارز واعمل كل حاجتى والاخر اشيلها تتصفى وفى الكيس بلاقى الحتة نظيفة والحوض ما يتكتمشى

فكرة جميلة فعلا و مش كل شوية ترمى فى الزبالة الحوض اسهل ههههههههههههههههههههههههه

ام ملك كتب:

كلام عجبنى نقلته للامانه

موضوعك جميل قوى يا ام ملك تسلم ايدك و بكرة ملك تطلع شطورة ان شاء الله زى مامتها ربنا يحفظها لك

بحب البط كتب:

مديرة الموقع ام يحيى كتب:

ممتاااااااااااااز يا ام ملك رووووووعة بجد والله تسلمى لنا انا بقى جبت مصفى بلاستيك كانت عند امى قديمة ههههه ايام ماكانشى عندهم مصفى استانلس للمكرونة وبحطها فى الحوض وانا واقفة بقشر البصل واخرط اى حاجة فيها عادى ماهى وسط الحوض واغسل الارز واعمل كل حاجتى والاخر اشيلها تتصفى وفى الكيس بلاقى الحتة نظيفة والحوض ما يتكتمشى

فكرة جميلة فعلا و مش كل شوية ترمى فى الزبالة الحوض اسهل ههههههههههههههههههههههههه

ايووووووون هى وقفة واحدة اديها ادى وبس نريح نفسنا هههههههههههههه نورتى يا مزتى

ام ملك كتب:

خلصت الاطفال والانتريه والسفره فاضل النوم والصالون يوم تانى بقى لانى خلاص مش قادره وكمان لسه همسح بلكونة النوم واروق المطبخ واجهز الغدا

ربنا يعينك يا حبيبتى ماشاء الله عليكى ربنا يعطى لك الصحة كمان وكمان

بنتي حبيبه قلبي كتب:

ايه الشطاره دي يامها علمناهم الشحاته

يابنتى دا استرياح هههههههههههههههههههههههههه

مديرة الموقع ام يحيى كتب:

ايووووووون هى وقفة واحدة اديها ادى وبس نريح نفسنا هههههههههههههه نورتى يا مزتى

دا نورك يا حبيبة قلبى منور بيكوا

منورين يا قمرات يلا عاوزين خبراتكم وعاوزين كل يوم نيجى نشجع بعض
انا بعمل واحط فى الزباله علطووووووول اتعودت على كده يا موها اسهل واريح

ماهو دة كسل بعيد عنك هههههههههههههههههههههههه والحاجة ام الاختراع بقى

انا بستعمل الكربوناته فى كل حاجة بتخلى الحوض بيلمع وروعة والبوتوجاز والهدوم بحط معلقة فى غسيل الابيض بتبقى تحفة جداااا وفى سلة الزبالة لازم معلقة قبل الكيس وبحط فى غطا ازازة حاجة ساقعة منها فى كل رف فى الثلاجة يشد اى ريحة ويعقمها

مديرة الموقع ام يحيى كتب:

ماهو دة كسل بعيد عنك هههههههههههههههههههههههه والحاجة ام الاختراع بقى

لالالالالالالالالالالالالالالا مش عاوزين كسل ههههههههههه

مديرة الموقع ام يحيى كتب:

انا بستعمل الكربوناته فى كل حاجة بتخلى الحوض بيلمع وروعة والبوتوجاز والهدوم بحط معلقة فى غسيل الابيض بتبقى تحفة جداااا وفى سلة الزبالة لازم معلقة قبل الكيس وبحط فى غطا ازازة حاجة ساقعة منها فى كل رف فى الثلاجة يشد اى ريحة ويعقمها

حلوة دى نجربها ان شاء الله

ان شاء الله هاتعجبك اوى والله وهاتوفر معاكى كتييييييييييييير اصلى بحب اوفر اللى اقدر عليه واجيب بيه حاجات للبيت بدال اهدار المال ع الفاضى يبقى بيتى مكتمل من كل حاجة احسن والحمدلله

ربنا يوسعها عليكى يا حبيبتى ان شاء الله

يارب اللهم اميييييين انا وانتى والمسلمين

مديرة الموقع ام يحيى كتب:

انا بستعمل الكربوناته فى كل حاجة بتخلى الحوض بيلمع وروعة والبوتوجاز والهدوم بحط معلقة فى غسيل الابيض بتبقى تحفة جداااا وفى سلة الزبالة لازم معلقة قبل الكيس وبحط فى غطا ازازة حاجة ساقعة منها فى كل رف فى الثلاجة يشد اى ريحة ويعقمها

لالالا انتى تعملى كتاب زى ابلة نظيرة و تنزلى الاسوااااق

تسلمى عالمعلومات الحلوة اللى بتقوليلنا عليها

بحب البط كتب:

مديرة الموقع ام يحيى كتب:

انا بستعمل الكربوناته فى كل حاجة بتخلى الحوض بيلمع وروعة والبوتوجاز والهدوم بحط معلقة فى غسيل الابيض بتبقى تحفة جداااا وفى سلة الزبالة لازم معلقة قبل الكيس وبحط فى غطا ازازة حاجة ساقعة منها فى كل رف فى الثلاجة يشد اى ريحة ويعقمها

لالالا انتى تعملى كتاب زى ابلة نظيرة و تنزلى الاسوااااق

تسلمى عالمعلومات الحلوة اللى بتقوليلنا عليها

هههههههههههههههههههههههههههههههه والطبع والتوزيع عليكى بقى ههههههههههههههههههههههه

مديرة الموقع ام يحيى كتب:

هههههههههههههههههههههههههههههههه والطبع والتوزيع عليكى بقى ههههههههههههههههههههههه

مااااااااشى و اول نسخة سينييه ليا هههههههههههههههههههههههههههههههه

بنتي حبيبه قلبي كتب:

========================
اولا قبل اى حاجة اول ماتفتحى عينك قولى الحمد لله الذى احيانا بعد اذ اماتنا واليه النشور وادخلى على الحمام اغسلى وشك واسنانك لقيتى هدوم فى الحمام شيليها فورا ومتسيبيش اى كراكيب فيه وحطى كل حاجة مكانها وروحى على اوضتك 

اول حاجة افتحى شبابيك الاوضة علشان تهويها واقعدى كده زى البرنسيسه على كرسى المرايه سرحى شعرك ورشى رشه برفان تفوقك وادخلى على السرير وواسيه بمعنى ظبطى الملاية مطرح النوم من كل التواحى وبعدين افردى المخدة كويس والخداديات وافردى البطانيه او اللحاف عليها علشان تدفيلك السرير 
بصى بقى نظرة خاطفة على الاوضة بمعنى جوزك مثلا رامى هدوم على كرسى التسريحة شوفيها اللى عايز يتعلق عليه واللى عايز يتغسل على سبت الغسيل فورا

شفتى منديل سايباه هنا ولاهنا ولا ورقه شيكولاته كيس دوا شيليه وارميه فى الباسكيت اول باول وزودى كل اوضه بباسكيت خاص ماشى على االوانها وجواه كيس تلبسيه علشان تحافظى على نضافته 

كده خلاص ادخللى على مطبخك افتحى الشباك او البلكونة واعملى فطارك طبق الجبنة اللى طلعتيه على طول دخليه السكينة اللى قطعتى بيها السندوتش بشوية ميا اشطفيها هى ومعلقه الشاى او النسكافيه فتافيت العيش لميها وحطيها فى الباسكيت اى حاجة عايزة تتحط فى الحوض حطيها المهمممممم متسيبيش فوضى وراكى 

بسم الله بقى وادخلى على اوضه العيال نفس القصة شوفى الهدوم وافرزيها اللى عايز يتعلق واللى عايز يتغسل وظبطى سرايرهم وطبعا نفس القصة فى الليفنج رتبي التكيات اعدلى الفازة كده يعنى مبنقولكبش تنضيف ترتيب بس 

هاتى المقشة واكنسى اوضه اوضه او بالمكنسة الكهربائية 
وطلعى الغدا اللى هتعمليه وركبى عله لو بياخد وقت وممكن كمان ع السريع لو غسالتك اتوماتيك شغللى الغساله بالمرة واقعدى بقى براحتك ع النت ع ال تى فى كلمى مامتك صحباتك المهم بيتك رايق وفله

عيالك جم من المدرسة عوديهم اه عوديهم متقوليش عيالى عفريت قله نظامك هى اللى عفرتتهم على فكرة علميهم يقلعوا جزمهم برة ويعلقوا هدومهم وفهميهم ان اوضتك والمطبخ واوضه الضيوف والصالون من المحرمات دخولها علشان تحافظى عليهم نضاف لاى ظرف مش تسيبيهم كده يمرحوا فى البيت وتقولى عفاريت 
لو عيال صغيرة وهتاكليهم حطى ملاية قديمة تحتيهم وياريت لو الامكانيات تسمح تخصصى ليهم كومبيوتر وتلفزيون فى الاوضه علشان ميبهدلوش لدنيا 

خلصتى غداك ياحلوة طبعا المطبخ عايز نضافه طيب انتى كسولة بقى وعايزة تطنشى طب استنى هقولك تعمللى ايه خللى دايما عندك مناديل ورقيه فى المطبخ امسحى بيهم البوتجاز اولا مش هياخدوا وقت ثانيا هيخلوا بوتجازك يلمممع وهياحفظوا على فوط المطبخ 
وارمى المناديل بصى على الرخامات علبه الملح حطيها مكانها قشر البصل لميه لو فى معالق او طاسات 
و ماشابه على الحوض عدٌل واكنسى مطبخ على السريع 

كده مش فاضل غير المواعين براحتك بقى مش هتقل عليكى بس المهم البيت شكله مترتب وانتى هتلاقى نفسك تلقائيا هتغسليهم علشان تكملى الصورة الجميلة 

الحمام بقى لو وقت سيادتك يسمح ممكن بليفة ناعمة اغسلى الحوض ونضفى التواليت بشوية بريل وجردل ميا على الارض وامسحيه وسلامتك وتعيشى 
طول اليوم انتى فاضية ومرتاحة وده بيجى ب اولا بتويد اطفالك ان كل حاجة ملهاش لازمة على الباسكيت ان الهدوم اللى مش نضيفة فى السبت 

ايووووووووووووووووووووة يا عم الحلاوة انا دى عقدة حياتى انى اقعد الف فى البيت اعااااااااااااااااااا انا نيمينى فى المطبخ انما الترويق اى اى كلالالالالالالالالالام