توتة توتة يا ولاد الهلفوتة
.
.
.
.
.
.
توتة توتة وكان ياما كان
بلاد اللى حاكمها يا جعان يا جربان
طمعو في بلادنا ومن غير استئذان
هجمو عليها وكان اللى كان
وشعوب تقاوم و تنضرب وتحارب
ميت الف ابليس ومليون شيطان
طب خلصت دي السنين وكان اللى كان
ايه اللى فكركو بينا تانى يا ولاد الهلفوتة
مستنينكم على ابوابنا يعنى هي كام موته
انا وستات حارتنا هنخبطلكم زغروطة
بمخرطة الملوخية ياولاد المفترية
بطوب الشوارع هنزيل الموانع
بمية الغسيل ورى كل خاين وعميل
بكيس الزبالة يا محترفى العمالة
بمنفضة السجاجيد يا خاينين يا عبيد
باللى في رجلى يا اللى هتجر شكلي
بلا مجلس الامن بلا القلل المتحدة
مستنينكم وهى موته واحدة
وتوتة توتة يا ولاد الهلفوتة
توتة توتة يا موازين مغلوطة
توتة توتة يا مشانق محطوطة
توتة توتة يا عيدان كبريت مشطوطة
توتة توتة وبلادنا مش هتموت
توتة توتة وبكرة الماضي يعود
وناصر وسادات وتشوفو الجبروت
توتة توتة يا ولاد الهلفوتة