البودرة المائية ما بتسيحش فى وشى وكمان ايه .. راااااااااااااااايقة ومنورة ومش مجيرة

[i][i][b][i][u][b]
اول حاجة طبعا انا زيى زى بنات كتير بستعمل البودرة الزفتية ( المائية ) ومش قادرة استغنى عنها

وجربت حاجات كتيييييييييييييييييير عشان وشى يبيض والبقع تروح والهالات ووو ........الخ

وغلاوتكم ما فى حاجة نفعت معايا . قولت الجأ للبودرة المائية وفعلا بتخفى العيوب كلها وعندى احسن من البودرة العادية لان

بشرتى جافة . وكريم الاساس مع البودرة العادية بينشفوا بشرتى

ومفيش قدامى غير البودرة المائية

بستخدمها من زمان وعارفة ان ليها اضرار بس انا بشيلها لما ارجع بمناديل مزيلة واهو العملية ماشية

المهم كنت طبعا بحطها بتبقى حلوة اول ما احطها على طول بس وممكن كمان قبل ما اكمل المكياج تتبتدى تغمق وانا بحط

فيها ولا ما اروح الشغل بتاعى ابقى عايزة اتف فى المرايا من منظر وشى بعد ما البودرة ساحت وبقعت ولطخت وبقت مقرفة وبلاقيها

علمت خطوط كده وسط حواجبى لما بكشر وعملت خطوط حوالين بوقى لما بضحك يعنى كانت بتجير اوى

لكن دلوقتى لااااااااااااااا نيفر ايفر

البودرة بقت حاجة تانية خاااااااااااااالص . منورة منورة منورة لأ منورة ايه . دى فلة شمعة منورة

والله العظيم ولا احلف بيه باطل ابدا البودرة بقت فى وشى منورة ورايقة لأ وكمان ايه مبتسحش منى فى الشمس . لأ كتير عليا

ههههههههههههه

بصوا يا صديقاتى . انا بعمل ايه بالظبط

اول حاجة : البودرة المائية بتاعتى اصلية وعليها تكتك كده ملون من ورا وهى ب35 ونوعها بقى ( شيرى ) شيرى بس مش شيرى

بينك .. لان احلى نوع فى البودرة المائية شيرى يعنى شيرى انا حرة حد شيرى كى ههههههههههههههههه لانها بجد تحفة جدا مع

الناس كلها الا انا طبعا لان بشرتى زى الزفت وبتشرب اى حاجة حطاها عليها

تانى حاجة : بستخدم ملح الحليب . وحدة تقولى ملح الحليب ازاى ملح الحليب على بشرتى

انا يابنات بشرتى لا دهنية ولا حساسة الحمدلله ولا فيها حبوب انا بشرتى جافة وملح الحليب مبيحرقنيش ولا حاجة وعادى خالص

على بشرتى بالعكس ده فتحها شوية ورايحة كمان لونها يتوحد

طب انا بحط ملح الحليب ازاى فى وشى ؟؟

طبعا انا مبحطش ملح الحليب مباشرة على بشرتى لأ . انا بجيب علبة كريم ترطيب بستعلم كريم انجى ترطيب بعسل النحل

والجلسرين كويس جدا ومش بيدهن وب5 جنيه وممكن تستعملى اى كريم عادى ما هو كده كده هيتغسل وبعد كده بجيب علبة

الكريم بفضيها فى علبة كبيرة شوية وبحط عليها اربع معالق ملح الحليب انا بستعمل ملح الحليب اللى الكيس بتاعه اسود فى

ابيض ده هو حلو جدا وانا بصراحة مجربتش الالوان التانية علشان احكم بس ده هااااااااااايل

بعد ماحط اربع معالق ملح الحليب على علبة الكريم بقلبهم كويس جدا بالمعلقة وبقفل العلبة واحطها فى التلاجة اضمن

اجى الصبح او اى وقت اصل انا حاليا بعمل الصبح

المهم اول ما اصحى من النوم قبل ما اغسل وشى بحط شوية من الكريم اللى مخلوط بملح الحليب على وشى كله ما عدا

منطقى العين طبعا وبدلك حركات دائرية لمدة خمس او عشر دقايق

تالت حاجة : بغسل وشى بمياه باردة عادية وبغسل وشى بصابونة ملح الحليب اللى هى ابيض فى اسود جميلة انا جربت اللى

لونها بمبى هى ريحتها حلوة واحلى من ريحة السودا فى ابيض كمان . بس نتيجة السودا فى ابيض احسن وبتنعم اكتر (

الاتنين حلوين ) المهم انا بتستخدم ملح الحليب والصابونة بتاعته عشان ينعم بشرتى ويشيل اى حاجة وحشة فيها ومنشفاها بجد

اختراع رووووووووووووووعة ملمس بشرتك حرير وكمان عشان اقلل من اضرار البودرة المائية اهو بعالج من ناحية وابوظ من ناحية

بس

ان شاء الله الضرر هيبقى اقل لانى بنضف بشرتى وبنعمها وبصنفرها بملح الحليب والصابونىة بتاعته وكمان مناديل مزيل المكياج

رابع حاجة : بعد ما غسلت وشى انشفه عادى واجيب حتة تلج صغيرة وامشيها على وشى كله وبعدين انشف وشى بشويش

طبطبه كده على الوش . التلج يابنات عشان يثبت المكياج وميسحش

خامس حاجة ودى مهمة جدا : نبل السفنجة بتاعت البودرة المائية بميه ساقعة تلج تكونى جيباها من الفريز والله يابنات الميه اللى

بتبقى سخنة او عادية زى بتاعت الحنفية هى اللى بتخلى البودرة تلطخ وتجير اوى . لكن الميه الساقعة بتخليها تثبت وتلصق

وبتجريها بسرعة على وشك وبينور اوى . لازم تكون الميه ساقعة مووووووووووووت

سادس حاجة : تعملى الميك كله بتاعك عادى وتبلى طبعا فرشاه الايشادو ميه كمان عشان الايشادو يثبت وكمان قلم الكحل انا

بستعمل بنجور وببل السن بتاعه ميه على خفيف قريت موضوع لبنوتة هنا عن القلم الكحل لو عيزاه يثبت بليه ميه كل ما تعملى

بيه هو ساح منى بس مش زى كل مرة يعنى كان معقول وسايح على خفيف بس طريقة النار احسن متهيالى

سابع حاجة : بعد ما تخلصى بس متحطيش الروجاجواو البلاشر يعنى دلوقت اعلمى البودرة والكحل والماسكرا والايشادور والروج

وكله وبعدين مشى على وشك حتة تلج تانى ايوة متخافيش المكياج مش هيتمسح وبعدين دوسى بالسفنجة بتاعت البودرة على

وشك عشان تشرب الميه بتاعت التلج وبعدين حطى الروجاجو بتاعك بعد ما وشك ينشف تمام انا بستعمل روجاجو كريمى وفيه

لمعة ولونه بمبى خطييييييييييييير جدا

**** بعد طبعا ما عملت كل ده لقيت البودرة هتنطق وتقول ايه البياض والروقان واللزقان ده روعة بجد ومنورة وفاتحة بس مش بيضة

زى الدهان بتاع الشقق لا دى تحفة ورايقة وطبيعية والله العظيم يابنات البنات صحابى فى الشغل استغربوا وقالولى البودرة بتاعتك

رايقة موت وحلوة كده ازاى وقولتلهم على الطريقة والتلج والميه الساقعة وملح الحليب وكله مع العلم ان بشرتى بتشرب المكياج

لكن فضلت معايا لحد ما روحت زى ما هى والله ما حصلها حاجة تحفة ومنورة وبتلمع ومسحتش ابداااااااااااااااااا ابدا ابدا

وكمان انا كان وشى رفيع اوى وباين عليه الارهاق فباخد دلوقتى اقراص خميرة علبة ب6 جنيه بتصفى البشرة وبتخن الوش مش

بتنفخ لا بتظبطه وتدوره وتملاه كده ويبقالك خدود هى مالهاش اضرار واسألوا برضو .. وكمان بتقتل الديدان بجد وشى بقى مليان

ومنور ومع البودرة بقيت ايه ماشاءالله والحمدلله

يلا بقى جربوا وردوا

عليا واللى بشرتها حساسة ما تعملش ماسك ملح الحليب علشان ما تدعيش عليا بس جربوا التلج والميه

الساقعة وادعولى

والتلج قبل وبعد زى ما موضحة

وموضوع الكحل عشان يثبت جربوا تمشوا عليه الولاعة كده على خفيف على السن بتاعه وسيبوه يبرد واعملى بيه اوعى تعملى

بيه وهوسخن وكمان حطوا ايشادو ابيض او اسود او اى لون تحبوه تحت الرموش بالظبط عشان بيثبت الكحل طبعا

[/i][/i][/b][/u][/i][/b]

تسلمي يا جميييل على المعلومات الجميلة

مبرسي ياسكره

رائع يا قلبى

مديرة الموقع ام يحيى كتب:: رائع يا قلبى

ميرسي ياحبي