اول كلمة ؛ مصر

أول كلمة: مصر - أمير جميل
يا أوّل كلمة في الدواوين
يا ضيّ العين
يا دمعة نازلة ع الخدين
يا آخر حرف في كتابي
واسمِك ناقشه ع الكفين

أنا المجروح عشان خاطرِك
أنا أمرِك
وكاتب بالدِما سطرِك
ولو كان القدر أمري
هخلّي العمر من عمرِك

يا ترنيمة علي المواويل
فـ عز الليل
بغنّيلِك فـ قلب النيل
وبشتقالِك وبحتاجلِك
مافيش في الدنيا ليكي بديل

هكفّن نفسي من دمعِك
ومن نبعِك
تصليلي وأسمعلِك
ومش هنساكي في الآخرة
مانا حوا ومن ضلعِك

بحبّك وانتي مش ليّا
ولا هيّا
يا نور الشمس يا بهيّة
تاريخِك هو يشهدلِك
بإنّك أم للدنيا

ايه الجمال دة يا ام يحيى

» كلمة الثعبان والحية في القران
» ذكرت كلمة ثقيلا فى القران مرتين