اصله عادى

اصله عادي

التحرش ،،،طبع عادي

والسفالة ،،، بردو عادي

والدياثة ،، والتياسة

والقرون فوق السياسة

والارايل والخساسة

بردو عادي
..................
امتى نزعل ؟؟

لما يبقى فينا نخوة نبقى نزعل

بس لما نشوف بناتنا والشباب هاجم عليها

والي يضرب والي يمسك والي بيشد فإيديها

واحنا من كتر الرجولة جبنا كل اللوم عليها

فايبقى عادي
.......................
وبردو عادي

،،، لما تسمع ان اختك وقفوها

شدو شنطتها وحجابها وف الشوارع بهدلوها

واستغاثت بالي واقف

والي واقف قال دا عادي

اوعى تزعل

ليه هتزعل ؟ ماهو عادي
.................
مانت مزعلتش على البنت الي فاتت

الي قدامك خدوها وكنت ساكت

واعتراضك كان يادوب على شكلها

لابسة ديق لابسه لابسه واسع والقضية فلبسها
.............
اه يازمن فيك الدكر اصبح هفيه

الضحية يغلطوها

والبجح هو الضحية

والقضية،، ازاي نبرر عجزنا

بالحجج والاثباتات المنطقية
...........
فاكرين حكاية المعتصم بالله في عصره ؟

لما جاتله رسالة واتذاعت في قصره

جلجلت كل الحرس والناس في ثانية

ان ست استنجدت بيه من دولة تانية

وان واحد من كلاب الروم دايقها

مد ايده عاكسها او عطل طريقها

ارسل خطابه بكل قوة ونخوة قال

من امير المؤمنين المعتصم ،،،

ليك ياكلب الروم ياعايش في الجبال

الواد يجيني وهي يرجع حقها

لبعت جيوش لغاية عندها

والحرب عادي
......
ادي الرجولة الي احنا بندور عليها

وادي الشهامة الي اشتهرنا بجد بيها

دلوقتي عاااااااااادي !!
.............

روووووووووووووووعة